நீங்கள் தேடியது "உடல்நிலை பாதிப்பு"

புதுச்சேரி:

திருக்கனூர் அருகே கூனிச்சம்பட்டு புதுநகரை சேர்ந்தவர் நடராஜன். கூலித்தொழிலாளி. இவரது மனைவி விமலா (வயது 48). இவர்களுக்கு ஜிப்மரில் நர்சாக பணிபுரிந்து வரும் அனிதா உள்பட 2 மகள்கள் உள்ளனர். இவர்கள் 2 பேருக்கும் திருமணமாகி விட்டது.

இதற்கிடையே விமலாவுக்கு அடிக்கடி உடல்நிலை பாதிக்கப்பட்டது. அதுபோல் சம்பவத்தன்றும் விமலாவுக்கு உடல்நிலை பாதிக்கப்பட்டதால் ஆஸ்பத்திரிக்கு அழைத்து செல்லும்படி நடராஜனிடம் கூறினார். ஆனால், விமலாவை ஆஸ்பத்திரிக்கு அழைத்து செல்லாமல் நடராஜன் வெளியே சென்று விட்டார்.

இதனால் மனமுடைந்த விமலா தற்கொலை செய்து கொள்ள முடிவு செய்து வீட்டில் இருந்த எலிமருந்தை (வி‌ஷம்) தின்று விட்டார். சிறிது நேரம் கழித்து வீட்டுக்கு வந்த நடராஜன் அங்கு மனைவி வி‌ஷம் தின்று மயங்கி கிடப்பதை கண்டு அதிர்ச்சி அடைந்தார்.

பின்னர் ஜிப்மரில் நர்சாக பணிபுரிந்து வரும் தனது மகள் அனிதாவுக்கு தகவல் தெரிவித்து விட்டு விமலாவை மீட்டு புதுவை ஜிப்மர் ஆஸ்பத்திரிக்கு கொண்டு சென்றார். அங்கு அனுமதிக்கப்பட்டு சிகிச்சை பெற்று வந்த விமலா சிகிச்சை பலனின்றி நேற்று மாலை பரிதாபமாக இறந்து போனார்.

இதுகுறித்த புகாரின் பேரில் திருக்கனூர் போலீஸ் சப்-இன்ஸ்பெக்டர் வேலு வழக்குபதிவு செய்து விசாரணை நடத்தி வருகிறார்.

தஞ்சாவூர்:

தஞ்சை மேலவீதி நாயக்கன் தெருவை சேர்ந்தவர் ராமச்சந்திரன் (வயது 55). இவர் வீட்டு புரோக்கராக இருந்து வந்தார். கடந்த சில மாதங்களாக ராமச்சந்திரனுக்கு உடல் நிலை சரியில்லாமல் இருந்தது. இதனால் அவர் மனவேதனை அடைந்தார்.

நேற்று மாலை பக்கத்து வீட்டின் மாடி அறைக்கு சென்றார். அங்கு கேபிள் வயரால் தூக்குப்போட்டு தற்கொலை செய்து கொண்டார்.

இது குறித்து தஞ்சை மேற்கு போலீசுக்கு தகவல் தெரிவிக்கப்பட்டது. அதன்பேரில் போலீசார் சம்பவ இடத்துக்கு வந்து ராமசந்திரனின் உடலை பிரேத பரிசோதனைக்காக தஞ்சை அரசு மருத்துவ கல்லூரி மருத்துவமனைக்கு அனுப்பி வைத்தனர். இதுப்பற்றிய புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

புதுச்சேரி:

புதுவை கோவிந்தசாலை சின்னசந்து பகுதியை சேர்ந்தவர் முருகன் (வயது60). இவருக்கு புஷ்பா என்ற மனைவியும் 3 மகள்களும், ஒரு மகனும் உள்ளனர். வயது முதிர்ச்சி காரணமாக முருகன் வேலைக்கு எதுவும் செல்லாமல் வீட்டில் இருந்து வந்தார். இதனால் புஷ்பா வீட்டு வேலை செய்து குடும்பத்தை நடத்தி வந்தார்.

இதற்கிடையே முருகனுக்கு அடிக்கடி உடல்நிலை பாதிப்பு இருந்து வந்தது. அவரை குடும்பத்தினர் ஆஸ்பத்திரிக்கு சிகிச்சைபெற அழைக்கும் போதேல்லாம் ஊசி போட்டுக்கொள்ள பயந்து முருகன் ஆஸ்பத்திரிக்கு செல்ல மறுப்பு தெரிவித்து வந்தார்.

இந்த நிலையில் நேற்று காலை வீட்டுவேலை செய்ய புஷ்பா சென்று விட்டார். மகள்களும், மகனும் வெளியே சென்றிருந்த நிலையில் உடல்நலக்குறைவால் அவதி அடைந்து வந்த முருகன் தற்கொலை செய்து கொள்ள முடிவு செய்தார். வீட்டின் மாடியில் கேபிள் வயரால் தூக்குபோட்டு தொங்கினார்.

வேலைமுடிந்து வீட்டுக்கு வந்த புஷ்பா மாடியில் சென்று பார்த்த போது கணவர் தூக்கில் தொங்குவதை கண்டு அதிர்ச்சி அடைந்தார். பின்னர் அக்கம் பக்கத்தினர் உதவியுடன் தூக்கில் இருந்து கணவரை மீட்டு புதுவை அரசு ஆஸ்பத்திரிக்கு கொண்டு சென்றார். அங்கு பரிசோதித்த டாக்டர்கள் ஏற்கனவே முருகன் இறந்து விட்டதாக தெரிவித்தனர்.

இதுகுறித்த புகாரின் பேரில் பெரியக்கடை உதவி சப்-இன்ஸ்பெக்டர் ராஜசேகர் வழக்குபதிவு செய்து விசாரணை நடத்தி வருகிறார்.

தூத்துக்குடி:

மெஞ்ஞானபுரத்தை சேர்ந்தவர் பரமசிவம் (வயது42). இவரை கஞ்சா பதுக்கி வைத்து விற்றதாக மெஞ்ஞானபுரம் போலீசார் சமீபத்தில் கைது செய்தனர். பின்னர் அவரை கோர்ட்டில் ஆஜர்படுத்தி தூத்துக்குடி பேரூரணி சிறையில் அடைந்தனர்.

சிறையில் இருந்த பரமசிவத்துக்கு திடீர் என்று உடல்நலம் பாதிக்கப்பட்டது. உடனே அவரை தூத்துக்குடி அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டது. எனினும் சிகிச்சை பலனளிக்காமல் பரமசிவம் பரிதாபமாக இறந்தார். அவர் எப்படி இறந்தார் என்பது மர்மமாக உள்ளது. 

இதுபற்றி தட்டப்பாறை போலீசில் புகார் செய்யப்பட்டது. போலீசார் வழக்கு பதிவு செய்து பரமசிவம் எப்படி இறந்தார்? என்பது பற்றி விசாரனை நடத்தி வருகிறார்கள்.

புதுச்சேரி:

புதுவை சித்தன்குடி செல்லும் சாலையில் சாணக்கியா அப்பார்ட்மெண்டில் வசித்து வருபவர் கலைக்குமார். இவரது மகள் ஹேமாஆனந்தி (வயது28). இவர் உத்தரகாண்ட் மாநிலத்தில் நர்சிங் கல்லூரி ஒன்றில் ஆசிரியையாக பணிபுரிந்து வந்தார்.

இவருக்கு உடல்நிலை பாதிக்கப்பட்டதால் கடந்த 6 மாதமாக கல்லூரிக்கு செல்லாமல் வீட்டில் தங்கி சிகிச்சை பெற்று வந்தார். இந்த நிலையில் நேற்று மாலை ஹேமா ஆனந்திக்கு நோய் கொடுமை அதிகமானதாக கூறப்படுகிறது.

இதனால் மனமுடைந்த ஹேமாஆனந்தி தற்கொலை செய்து கொள்ள முடிவு செய்தார். வீட்டின் மின்விசிறி கொக்கியில் துப்பட்டாவால் தூக்குபோட்டு அவர் தற்கொலை செய்து கொண்டார்.

இதுகுறித்த புகாரின் பேரில் கோரிமேடு போலீஸ் சப்-இன்ஸ்பெக்டர் கலையரசன், உதவி சப்-இன்ஸ்பெக்டர் கணபதி ஆகியோர் வழக்குபதிவு செய்து விசாரணை நடத்தி வருகிறார்கள்.

தண்டராம்பட்டு:

தண்டராம்பட்டு அருகே உள்ள வாழவச்சனூர் பகுதியை சேர்ந்தவர் ராமசாமி (வயது 55). விவசாயி. கடந்த சில மாதங்களாக உடல்நிலை பாதிப்பால் அவதிப்பட்டு வந்தார்.

இதனால் மனமுடைந்து காணப்பட்ட ராமசாமி வீட்டில் வி‌ஷம் குடித்து மயங்கி கிடந்தார். இதனை கண்ட உறவினர்கள் அவரை மீட்டு திருவண்ணாமலை அரசு ஆஸ்பத்திரியில் சேர்த்தனர்.

அங்கு அவரை பரிசோதித்த டாக்டர்கள் ராமசாமி ஏற்கனவே இறந்து விட்டதாக கூறினர்.

இது குறித்து வாணாபுரம் போலீசார் விசாரணை நடத்தி வருகின்றனர்.

புதுச்சேரி:

புதுவை முத்தியால்பேட்டை ரங்கவிலாஸ் தோட்டம் பகுதியை சேர்ந்தவர் பாண்டியன். மோட்டார் ரீவைண்டிங் செய்யும் தொழில் செய்து வருகிறார். இவரது மனைவி சித்ரா (வயது40). இவர்களுக்கு 2 மகள்கள் உள்ளனர். கடந்த சில மாதங்களுக்கு முன்பு சித்ரா உடல்நிலை பாதிக்கப்பட்டு இருந்தார். இதற்காக அறுவை சிகிச்சையும் செய்து கொண்டார். ஆனாலும் சித்ரா வலியால் அவதிப்பட்டு வந்தார்.

இதனால் மனமுடைந்த சித்ரா தற்கொலை செய்து கொள்ள முடிவு செய்தார். நேற்று முன்தினம் இரவு வீட்டில் அனைவரும் தூங்கிய பின்னர் மின்விசிறி கொக்கியில் சேலையால் சித்ரா தூக்கு போட்டு தற்கொலை செய்து கொண்டார்.

இதுகுறித்த புகாரின் பேரில் முத்தியால்பேட்டை உதவி சப்-இன்ஸ்பெக்டர் வீரவேலு வழக்குபதிவு செய்து விசாரணை நடத்தி வருகிறார்.